ஆடையெல்லாம் பறக்குதுன்னு
ஓடிவந்து வாங்கச்சொல்லி
ஒலிபெருக்கி வச்சாங்க
தேடிப்போயித் தெனாவட்டா
தெளிஞ்சு எடுக்கமுடியல!
தள்ளிமுள்ளி உள்ளபோயி
தரம்பாக்க முடியல
அள்ளிக்கிட்டுப் போறசனம்
அடிபுடியா இருக்குது!
உள்ளபிரிச்சுப் பாத்தாக்க...
கோடிச்சேலைக் குள்ளஒரு
கோடுபோல அழுக்கிருக்கு!
மடிப்புக்குள்ள பொட்டுப்போல
குட்டிக்குட்டி ஓட்டை இருக்கு!!
தள்ளுபடி தள்ளுபடின்னு
தள்ளாத வயசுலநாம
தள்ளாடி வாங்கப்போனா..
தள்ளியே விட்டுட்டாங்க!
தள்ளுபடியே வேணாமுங்க
தள்ள்ளியே இருப்போமுங்க!
வழக்கம்போல புதுச்சேலய
தறிக்கிப்போயி வாங்கலாங்க.
என்னநாஞ் சொல்லுறது
எல்லாருக்கும் நல்லாருக்கா?!
நான் பிறந்து இத்தனை ஆண்டுகளில்
ஒருமுறைகூட தள்ளுபடியில்
எந்தசாமானும் வாங்கியதில்லை
இப்போதுதான் முதல்முறையாக
சேலைவாங்கிவந்த அனுபவம் இது!
பாவாக்கம் : முத்துசபாரெத்தினம் ஆச்சி
No comments:
Post a Comment